Apuleius[1] est nomen fictum auctoris vel auctorum de rebus rusticis et medicis, Latine scribentium. Opus breve de herbis servatum est in multis libris manu scriptis sub nomine Apulei. Opus aliud exstat de religione aut philosophia Hermetica, nomine Asclepius, Apuleio attributum. Exstant etiam in Geoponicis Constantino Porphyrogenito dicatis, et in Fragmentis Anatolii de bubus in corpore Hippiatricorum servatis nonnulla excerpta operi Apulei adscripta.